Ritmu Novu

Zonabriganti chilla cultura
Nu ritmu novu ballata sicura
U bassu elettricu e a tarantella
Calabria antica calabria moderna


E' de Ruglianu ca vatta stu ventu
A chilli pedi de la Sila
Lla' dduve è vernu puru d' astate
C'è sempre ventu friddu chi tira.


E' stu ventu de antiche usanze
Fatti, leggende e mille battaglie
Su storie vere de tanti racconti
Chillu passatu chi nun te scordi


E nue cantamu sta tarantella
Ch' è lla' cultura de chista terra
De sta Calabria de rime e de canti
N'au fattu la storia puru i Briganti.


E mu cantamu sta nova canzone
Ppe' chine ancora nu ll'ha capitu
E' nu cantu cu'n parra d' amure
Ma de racconti, leggende e stu mitu.


A stu paise de bona gente
Chilla chi balla le tarantelle
È chilla gente de sacrifici
Chi du lavuru n'ha fattu sorrisi


Ppè na fatiga sempre mancata
C'è puru gente chi l' abbannunata
Chilli è sta terra c'au sempre amatu
Chi ppè n'America au lassatu.


Zonabriganti è la passione
De sta Calabria chi guarda avanti
ritmu novu de tarantella
Chilla ballata chilla cchiù bella.