Positano

Dint' 'e vie e chistu paese

So sagliute e songo discese

So 'e pensieri che tornano sempre all'acqua

Comme 'e fronne e l'aulive ammature



A muntagna addreto 'e spalle

Tene 'o peso e migliara d'anni

Passa 'o viento dint''e cammise a sciure

Passa 'o viento e nun cagna st'addore



E a chi vene da luntano

Pe vedè 'a notte a Positano

Chesta luna marinara

'll'asciutta tutte 'e lacrime



Dint''e vie e chistu paese

Songo sagliute e songo discese

So 'e suspire che tornano sempre a mare

Comm'e fronne e ll'aulive ammature



Nunn'è terra e nunn'è cielo

Nunn'è vierno e nunn'è stagione

Nunn'è aiere e né dimame

È sulo comm'a chesta musica

E a chi vene da luntano

Pe vedè 'a notte a Positano

Chesta luna marinara

'll'asciutta tutte 'e lacrime