Märli

Di sibe geissli sy scho längschtens gfrässe
schneewittli ligt im sarg, für immer tot
u d zwärgli mache no e bank
ds tischleindeckdi macht mi chrank
u ds schlaraffelland gits nur mit
mageband

dr hans im glück het depressione
u schprützt ruschgift
schneeweisschen blüetet
ds rosenrot wird bleich
dr froschkönig versuuft im
swimmingpool
dr romeo isch schwul
dr julia ihri schwoscht isch leider
lesbisch

aber i gloube immer no a märli…

dr wilhelm tell het sys walterli umgnietet
u ds rumpelstilzli rumplet mit
em stille has
dr samichlous isch pädophil
u ds oschterhasi isch e pitbull
u dr pinocchio kokset sich schön
langsam z tod

dr free willy isch nume sushi uf mim täller
u d frou holle schneit für ds medellinkartell
dr dagobert duck isch armegnössig
di chlyni fee isch bschtändig hässig
u dr guet könig im exil verdient viel z wenig
u alli ängeli gö hüt ufe strich
u dr arm tüüfel muess id therapie

u d heinzelmännli mache blau
u dr schmutzli isch e sou
dr storch nimmt alli chlyne chindli mit
aber i gloube immer no a märli
aber i gloube immer no a märli
u ds dornrösli schlaft sit zwöine
wuche nümm
will ig, dr wolf, der bös geisslifrässer bi

hänsel u gretel lige dampfend i dr pfanne
di chlyni meerjungfrou isch e
verdorbne dorsch
u ds goldeseli schysst defizit
u ds häppy änd isch es unglück
u d wiehnacht wird abgseit, dr joseph het
alles gschtande

we d häx sött häxe, nimmt si notfalltropfe
u dr winnetou grännet wäg jedem
boboblätz
ds bambi isch sadomasochistisch
dr papscht isch e kommunischt
u dr chly prinz het syni doktorarbeit
gfältscht

alli ängeli gö hüt ufe strich …