Schick Mer Doch E Fläscheposcht

Schick mer doch e Fläscheposcht
Interpret: Peter Reber
Text und Musik: Peter Reber
Vers 1
Bisch so ne glatti Nudle gsy u zwäg für jede Gäg
Da chunnt dä komisch Typ derhär u nimmt di eifach wägg
Är het so gschydi Sache gseit u furchtbar nobel ta
Es het mi tüecht, das syg für di de chuum der richtig Ma
Refrain 1
Drum schick mer doch e Fläscheposcht
So mit me Briefli drinn
Wo druffe steit, dass mi itz wöllsch
U nümm der Fridolin
Dä wölli nume eis vo dir
U du sygsch scho ganz teigg
Dä syg ersch richtig glücklech
Wenn er sy Marggesammlig zeig
Vers 2
Meitschi gits wi Sand am Meer, aber nume eis wi dii
Chasch lache u chasch fröhlech sy, mit dir bin ig ersch mii
Da chunnt dä komisch Typ derhär u holt di us der Beiz
U spilt mit dir, i säges nid, im näschte Refrain steits
Refrain 2
Ja, schick mer doch e Fläscheposcht
So mit me Briefli drinn
Wo druffe steit, dass mi itz wöllsch
U nümm der Fridolin
Dä wöll nume eis vo dir
Ja dä syg voll im Wahn
Dä spili nächtelang mit dir
Spilzüg Ysebahn
Vers 3
Ja Meitschi, so geits nümmeh lang, i bi ja so schaluus
U dä Löu, da bringt anstatt dir, syne Märggeli der Schmuus
Verschwändig, tüecht mi, sygi das, du bisch doch z schad für dä
Chönntsch nid o ab und zue emal chli Zyt für mi dr näh
Refrain 3
Drum schick mer doch e Fläscheposcht
Di chunnt zu mir frei Huus
Wo drinne steit, du heigisch Luft
Der Fridolin flüg uus
I chieme wi ne Jet derhär
U wird nid lang verwyle
Mir zwöi, mir würdes gniesse u wider mal
Monopoly spile