Luftballön

Weisch, was i am liabschte wett?
Überall am ganze Bett,
Luftballön, wo Gas drii händ,
und i flüg allei ans End vor Welt.
Furt zum offne Fenschter uus,
über üsers Nochberhuus,
über d'Kirche, über d'Stadt,
wie ne Wolkeschiffpirat.
Uffe bis zum hellschte Stärn,
abe zu de Bäre z Bern,
wiiter bis uf Afrika,
döt lohn i d'Ballön lo goh.
Schriibe denn a Karte hei:
"Lönd mi bitte nid allei,
do isch ds Wetter wunderschön!
Kömend, mit paar Luftballön!"